1er mai particulier pour la CGT et FSU sur fond de présidentielle
(A redazzioni d'Alta Frequenza) - Luni u 1a di maghju, a CGT è a FSU di Corsica Suprana chjamani à manifistà partendu da u Palazzu di Ghjustizia di Bastia. S'è com'è ogni annu, a difesa di l'acquisti suciali sarà a rivindicazioni maiò, quist'annu, di sicuru, u mumentu trà i dui ghjiri di a prisidinziali rendi torna di più pisivu u cuntestu. A CGT riassumi in fatti a scelta trà Emmanuel Macron è Marine Le Pen di scelta trà a pesta è u culerà. Malgradu tuttu, infini, hè bè a dumanda di mettasi à mezu a strada di a strema diritta chì hè missa in avanti in un sindicatu induva camarati votani oghji pà Marine Le Pen, è induva u missaghju scontra difficultà à essa intesu.
Steti à senta à Jean Pierre Battestini pà a CGT di Corsica Suprana, chì ci dà dinò a so dicisioni parsunali pà u 7 di maghju.
