Football (Ligue 1) - Déplacement de tous les dangers pour le SC Bastia à Monaco
(A redazzioni d'Alta Frequenza) - Pà a sedicesima ghjurnata di Liga 1, u SC Bastia, diciassettesimu, và in Monacu, terzu. È a prudenza sarà a parolla maestra di ssa partita pà i bastiacci parchì i lucali sò i spicialisti dipoi u principiu di a staghjoni di i currizzioni contr'à i so avversari in u stadiu Louis II, cù vintisei rialisazioni scritti in setti partiti in casa, vali à dì una media putenti di 3,7 reti ad ogni scontru. Tuttu què cù a suspensioni di Florian Marange chì hà da ubligà u Sporting hà vultà à u so schema tatticu classicu di quattru difensori, cumpunendu cù a fatica di certi ghjucadori chì ani dighjà in i so ghjambi dui partiti ssa simana. Pà ssu scontru induva di pettu à a so situazioni à a classifica, u SC Bastia duvarà pruvà quantunqua à buscassi calcosa, Saint Maximin ùn sarà micca dispunibuli postu chì Monacu, chì l'impresta à u Sporting, hà dumandatu ch'ellu ùn ghjuchessi micca i partiti trà i dui squadri, mentri chì Crivelli hè di ritornu inde l'effettivu, un affari impurtantissimu, accumpagnatu da Houri.
Steti à senta à François Ciccolini, l'intrenori di u Sporting.
