Une rencontre organisée entre le ministère des Armées et les entreprises corses pour mieux travailler ensemble
Pinsendu à a cumanda publica in Corsica, ùn veni tantu à menti u ministeru di l’armati. Eppuri, quissu spendi ugni annu circa vinti miliona in i impresi corsi.
Di fatti, certi travadda sò attribuiti à l’attori lucali, via marcati publichi assignalati, ch’iddu si tratti di BTP, di nittera è intrattinimentu o ancu di risturazioni è ustaria.
Da issi marcata sò cuncirnati i siti di a Sulinzara o Calvi, ma ancu certi altri menu impurtanti.
Trà issi marcati publichi lucali, si pò mintuvà a rinuvera llu catramu di a pista lla basa di a Sulinzara, o ancu di u so echippamentu fotovulaticu.
Steti à senta à Mathieu Lacaille, diligatu à l’accumpagnamentu righjunali di l’armati PACA è Corsica.
À liveddu di a Camara di i Mistieri è di l’Artisgianatu, si pensa chì l’affari pò ghjuvà à sinsibilizà l’artisgiani è i picculi impresi à i pussibilità ch’iddi porghjini issi marcati, ancu pà l’unità più minori.
Steti à senta à Jean-Charles Martinelli, u prisidenti di a Camara di i Mistieri è di l’Artisgianatu di u Cismonti.
Cusì a pensa ancu a CCI di a Corsica, chì si dici pronta à stà à senta una di i dumandi di u ministeru di l’armati : chì i impresi corsi poschini accodda militari in ricunvirsioni, pà una furmazioni o ancu di più.
Steti à senta à Christophe Graziani, à nomu di a CCI.
