Un olivier cultivé en Corse touché par la Xylella Fastidiosa inquiète la profession
Era un pinseri pà l’oleicultori corsi, è issu pinseri hè oramai ghjustificatu : a prifittura llu Cismonti hà trovu un casu di Xylella Fastidiosa à nantu à un pedi d’alivi cultivatu in Corsica.
L’arburi, piantatu 30 anni fà in Balagna, hè statu picciatu subitu.
U sindicatu interprufiziunali di l’oleicultori lla Corsica dici in un cumunicatu ch’iddu hè impinsiritu bè. « Da quand’idd’hè statu scupartu u razzinu Multiplex in Corsica, a si pinsaiani l’oleicultori chì un effettu à nantu à l’alivi ci saria. Ma l’ani trattati tandu di malaceddi, circhendu à minimizà l’effetti d’issu razzinu.
Eppuri, hè statu trovu in i Baliari, è culandi faci danni maiori à alivi è amanduli.
L’auturità culandi ani presu misuri fermi da parà lu è studià lu. In Corsica, senza logica, senza cumpitenzi, senza curaghju, è cù u ghjocu malvaghju d’uni pochi di neci, certi attori amministrativi, pulitichi, agriculi o ambiintali ani accirtatu u cuntrariu.
Par disgrazia, cù issa scuparta, si sà chì a Corsica sarà tocca ancu idda ».
Sur le même sujet
