Territoriales : climat apaisé entre Rossi et Rocca Serra
(A redazzioni d'Alta Frequenza) - Camille de Rocca Serra è José Rossi si sò scuntrati par amintà l'alizzioni tarrituriali. Dopu à u so scambiu, si sò ingaghjati tramindui annant'à ssi punti quì :
1) U prima ghjiru si farà, malgradu a cumpetizioni trà i dui listi, in un ambienti d'unioni è di rispettu mutuali.
2) I dui listi farani una fusioni à u sicondu ghjiru annant'à a basa di una vera prupurziunalità di pettu à u so risultatu rispittivu à u prima ghjiru.
3) Ssa lista d'unioni sarà purtata da u candidatu di a lista ghjunta in testa à u prima ghjiru. Sarà u candidatu di tutti à a presidenza di u Cunsighju Esecutivu.
Ind'i listessi cundizioni, u candidatu capilista ghjuntu à u sicondu postu à u prima ghjiru, sarà u candidatu di tutti à a presidenza di l'Assemblea di Corsica.
4) Tutti l'azzioni pulitichi utuli sarani missi in opara pà assicurà a vittoria di l'uppusizioni republicana è dà à a Corsica a furtuna di una pulitica nova arrimbata à a priurità ricunnisciuta à u sviluppu ecunomicu è à l'impiegu.
