Tentative d'incendie contre la concession Miniconi : un homme mis en examen
U 27 di luddu, a cuncissioni di motò di Jean-André Miniconi era stata dannighjata da un focu criminali.
À senta à Corse-Matin, un mesi dopu, certi parsoni si ni sariani presi à a cuncissioni Mercedes di a stessa parsona.
Ghjunti à travaddà marcuri matina, l’impiicati lla cuncissioni avariani rimarcatu cosi suspetti in u stabbilimentu.
Chjamata supr’à locu in Balioni, a pulizza avaria trovu parichji vitturi annacquati d’essenza. Saria dunqua una prova d’incendiu chì saria faltata, ùn si sà parchì. À senta à Corse-Matin sempri, un omu saria in guardia à vista pà iss’affari. A pulizza ghjudiziaria saria in carica di a inchiesta.
Par avali, issi infurmazioni, ùn issendu cunfirmati, si fermani à u cundiziunali.
Ramintemu chì Jean-André Miniconi, anzianu prisidenti lla Camara di Cumerciu è d’industriu llu Pumonti, si hè dichjaratu, di luddu, candidatu à a mirria d’Aiacciu.
Sur le même sujet
