Reliquat de continuité territoriale : quelle utilisation ?
(A redazzioni d'Alta Frequenza) - Ci hà da vulè à truvà altri pussibilità di finanziamentu cuncirnendu u prughjettu di schema di a muntagna dopu chì Bercy avissi "ripresu" l'amendamentu di Camille de Rocca Serra. In ssu ducumentu di a legi di finanzi, in fatti, u restu di l'inviluppu di cuntinuità tarrituriali pudia essa didicatu solu à i stradi è à u caminu di farru, è micca allargatu dunqua à u sviluppu di l'internu. Pà l'Esecutivu di Corsica, chì ci l'avia fatta à rializà ecunumii nant'à u marittimu è avia uttenutu u mantenimentu di ss'inviluppu cù un bughjettu custenti, ùn si prupunarà micca un prughjettu cù una qualità bassa. Mentri chì a legi muntagna era dinò in u prugramma di l'Assemblea Naziunali ssu marcuri, è chì infini ssa dicisioni di Bercy ùn pudarà più essa cambiata soca, ci hà da vulè oramai chì ogni elettu pighjessi i so rispunsabilità par andà à circà un cuntinutu è una forza in più à prò di a muntagna, hè u parè di l'Esecutivu di Corsica.
Steti à senta à Ghjuvan Filici Acquaviva, cunsighjeru esecutivu è presidenti di u Cumitatu di Muntagna.
Sur le même sujet
