Réforme des institutions : le Premier ministre confirme la place de la Corse dans la Constitution
(A redazzioni d'Alta Frequenza) - U Prima ministru hà prisintatu ssu marcuri in fin di dopu meziornu a riforma di i stituzioni. Mentri ssa prisintazioni, Edouard Philippe hà amintatu a Corsica, fendu sapè chì, in leia cù l'ingaghjamenti di u Presidenti di a Republica, l'isula truvarà a so piazza inde a Custituzioni. Duvaria parmetta, hà dittu u Prima ministru, "d'adattà i legi di a Republica à i specificità isulani, ma sottu à u cuntrollu di u Parlamentu". Senza dinni di più, Edouard Philippe hà missu in avanti d'una manera più glubali a cunfidenza di u guvernu, d'appressu à ellu, inde a capacità di i cullittività lucali di metrupola è d'oltri mari d'adattà da par elli i reguli chì gistiscini i so duminii di cumpitenza à a rialtà di u so tarritoriu, tuttu què sottu à a forma d'un pattu girondinu suvitendu i racumandazioni di u Cunsighju di Statu.
Steti à senta à Edouard Philippe, u Prima ministru.
Sur le même sujet
