Projet académique 2017-2022 : l'Exécutif de Corse n'a pas été associé à la démarche, déplore Saveriu Luciani
(A redazzioni d'Alta Frequenza) - Ssu marti, u rettori d'accademia Philippe Lacombe hà prisintatu in u Palazzu di i Cungressi d'Aiacciu u prughjettu accademicu 2017-2022 à l'eletti, partinarii, capi di stabilimentu, insignanti è cumunità educativa. Ramintemi ch'elli ci sò quattru ambizioni maiò : una scola più vicinu à u so tarritoriu, biplurilingua è citadina, chì valurizessi è chì sighi inclusiva, è à prò di l'elevu è di u so prughjettu. Quattru poli sò stati difiniti, inghjiru à a vita sculari è à l'ugualità di i pussibilità, à u numericu educativu è à u sviluppu, à i scenzi è à l'ambienti, è infini à i lingui è i culturi. Saveriu Luciani, cunsighjeru esecutivu in carica di a lingua corsa, ma dinò assai à capu di i prublemi educativi di pettu à u so mistieru d'insignanti, rigretta chì u Cunsighju Esecutivu ùn sighi micca statu assuciatu à a dimarchja. In più di què, amenta "mancanzi" cuncirnendu a cunvinzioni lingua corsa trà a CdC è u Statu, è l'assenza di discussioni di fondu nant'à parechji altri cartulari, frà altru nant'à u sughjettu di u famosu quadru nurmativu specificu, rivindicazioni forti di a maghjurità tarrituriali naziunalista.
Steti à senta à Saveriu Luciani.
Sur le même sujet
