Neuf militants nationalistes renvoyés devant la cour d’assises spéciale de Paris
Photo Pexels
(A redazzioni d'Alta Frequenza) - Novi militanti naziunalisti, frà i quali Pierre Paoli, u secretariu naziunali di Corsica Libera, sò stati rinviati davanti a corti d'assisi spiciali di Parighji in u quadru di un'inchiesta nant'à attentati contr'à residenzi sicundarii rivindicati da u FLNC in u 2012. Sicondu l'AFP, Pierre Paoli hè statu rinviatu da u ghjudici di struzzioni u 10 d'aostu pà direzzioni o urganisazioni di un aggruppamentu tarruristu. L'inchiestadori u suspettini d'essa statu u capimachja di u FLNC pà a Corsica Suttana à l'epica di i fatti, sempri sicondu l'AFP. L'ottu altri prutagunisti t'ani trà 28 è 64 anni, frà i quali sei sò sempri in prighjoni di manera pruvisoria. U cartulari duvaria essa asaminatu da a camara di a struzzioni nanzi à un prucessu, postu chì parechji parti avariani fattu appellu di l'urdinanza.
