Nazione, nouvelle structure indépendantiste dans laquelle se fondent Corsica Libera et Patriotti, s'est lancée
« NAZIONI » ! Eccu u nomu sceltu da i 400 à 600 parsoni prisenti in Corti par dà nascita à un novu muvimentu indipindintistu.
In issu muvimentu novu s’accoddini, trà altri, Corsica Libara, chì dipoi duminica ùn asisti più, u cullittivu Patriotti, chì avia iniziatu issa chjama d’uttrovi, è uni pochi di militanti chì sinu ad oghji erani sbandati.
Sustegnu à u FLNC, scelta di a indipindenza par sola via di un populu corsu à salvà, ricusu d’un distinu cumunu cù a francia… eccu uni pochi di i punti missi in risaltu da « Nazioni », chì hà pricisatu a so difinizioni di a cumunità di distinu.
U cutidianu di i corsi, via una riflissioni suciali, hà da essa presu in contu ancu iddu.
Steti à senta à Ghjuvan’Filippu Antolini, di u cullittivu Patriotti, chì hà integratu à « Nazioni » duminica.
Ancu puri ch’iddu n’achi una sumidda, u partitu novu ùn hè solu una rifundazioni di Corsica Libara. Petr’Antò Tomasi, anzianu portaparolla di u partitu indipindintistu è membru oramai di « Nazioni », spieca chì issa dimarchja nova u porta più luntanu u passu, è ch’iddu ci voli à ridà fiatu à a nuzioni d’indipindenza di a Corsica.
Par ciò chì tocca à l’idea di cumunità di distinu, ùn si tratta mancu stampa d’avvicinà si à l’associu Palatinu. A ridifinizioni d’issa nuzioni da u partitu « Nazioni » ùn hè di stessa natura, sicondu à Petr’Antò Tomasi, chè a via scelta da Palatinu.
Steti lu à senta.
