Municipales ajacciennes : l'écologie, thème majeur pour François Casasoprana
(A redazzioni d'Alta Frequenza) - Campagna eletturali in Aiacciu! Hè lanciata pà daveru cù dichjarazioni di candidaturi di più in più numarosi. Ssa siconda alizzioni municipali duvaria essa urganizata l'ultima dumenica di ghjinnaghju è a prima di farraghju; ssi dati devini essa cunfirmati malgradu tuttu. Ùn ci duvaria micca essa solu una candidatura à diritta parchì u Front National, ancu s'ellu l'hà micca annunziatu di manera ufficiali, si vularia prisintà. Pari chì a situazioni più difficiuli à manca induva Simon Renucci, s'è no cridimu certi media, hà dicisu di prisintassi torna. Ùn si sà ancu par avà chì sarà a pusizioni d'ogni furmazioni pulitica di manca, parchì ùn sò micca cumposti d'una parti sola di sicuru, è ancu menu chì sarà a pusizioni di i partiti naziunalisti, assai divisi dinò elli annant'à a quistioni. Femu a Corsica è Corsica Libera sarani bè prisenti ma u gennaru di cunfigurazioni ùn hè ancu statu difinitu, parchì quì dinò ci sò diffarenzi impurtanti. Un affari hè sicuru, o in tutti i casi hè stata prisintata cusì, François Casasoprana hà dicisu d'impignassi cù membri di l'anziana maghjurità. È unu di i temi maiò pà a campagna, quillu di l'eculugia, ùn hè mancu appena un azardu com'ellu a ci dici Sauveur Merlenghi, u medicu bè cunnisciutu.
U stemi à senta.
Sur le même sujet
