Municipales à Bastia : Jean Zuccarelli se lance dans la campagne avec sa liste Choisir Bastia
Duminica, in a so pirmanenza di Lupinu, Jean Zuccarelli hà attaccatu a campagna pà i municipali di a so lista « Choisir Bastia ».
À fiancu à u candidatu radicali c’era Toussainte Devoti, a numaru 2 lla lista, chì riprisenta u Partitu Cumunistu, postu chì Francis Riolacci ùn vulia essa in pusizioni d’essa elettu.
À torru à Jean Zuccarelli, c’erani dinò parichji cumpagni fidi, com’è Jean-François Paoli o Hélène Salge, ma ancu parsunalità novi com’è Marc Smith. Issi parsoni duvariani essa trà i deci primi lla lista.
Jean Zuccarelli hà fattu una critica dura llu bilanciu lla maiurità municipali, parlendu d’un merri suttimissu, chì hà datu piazzi à più pudè, chì hà fattu crescia i perditi lla cumuna è chì prughjetti, ùn n’hà fattu tanti.
U prugrama, publicatu di ghjinnaghju, s’arremba à trè punti : u suciali,u sviluppu è l’attrattività.
Stemu à senta à Jean Zuccarelli, chì ci parla ancu lli divisioni lla manca.
