Maroc : l'Occitanie, la Collectivité de Corse et la Région Sud engagent un million d'euros d'aide humanitaire
A Cullittività di Corsica, l’Uccitania è a righjoni PACA ani dicisu di purtà aiutu à u Maroccu.
« Cù issu bilanciu pruvisoriu di 820 morti, u tarramottu chì hà toccu u Maroccu hè un drama tarribuli, unu spiombu tamantu pà u populu maruccanu. Purtati da issa leia antica è viva di u Tarraniu, i nosci trè righjoni s’impegnani insemi à fiancu à u Regnu llu Maroccu, in piena sulidarità cù issu paesu amicu. Un milionu hà da essa ingagiatu dirittamenti, tinindu contu ben’intesa di i bisogni spressi da u Maroccu, à prò di i vittimi llu tarramottu è pà a ricustruzzioni llu paesu », spiecani i prisidenti di i trè cullittività.
Carole Delga, a prisidenti di l’Uccitania, Renaud Muselier, u prisidenti lla righjoni PACA è Gilles Simeoni, u prisidenti di l’esecutivu di Corsica, puntani trè dirizzioni pà u so sustegnu :
« À curtu andà, semu dispunivuli pà intarvena insemi à prò di l’aiutu umanitariu d’urgenza. À tempu, cù u mondu assuciativu, vulemu sustena u Maroccu à liveddu sanitariu, da aiutà i ferti è i sinistrati, pà issi tempi duri à vena ».
« Infini, iss’impegnu suldarinu hà da ghjuvà à u sforzu à vena di ricustruzzioni, à liveddu urbanu è agriculu, chì a sapemu chì i bisogna ci sarani à veru».
« I nosci trè righjoni sò tarranii d’essenza è di vucazioni ! Oghji, a sulidarità cù u Maroccu devi viaghja – è viaghja – di manera cuncreta. Vulemu dì, insemi, à i nosci soci maruccani, quant’è no’ semu sinsibui à u so dulori. Semu à fiancu ad iddi ».
Sur le même sujet
