Manifestation ce samedi à Ajaccio contre la loi Travail : un appel lancé aux jeunes corses
(A redazzioni d'Alta Frequenza) - Hè dumani (sabbatu) ch'ella ci sarà una ghjurnata nova di greva è di manifistazioni pà dumandà u ritiru di a legi Travaghju. In Aiacciu, principiarà à 10 ori da a gara, passendu pà u corsu Nabuliò fin'è a prifittura. I fundamenti chì portani l'impiegati in carrughju sò cunnisciuti oramai dipoi calchì simana. Si tratta tuttu simpliciamenti di u ritiru di a legi Travaghju è micca di u so accunciamentu, com'elli l'accertani certi sindicati qualificati di "refurmisti". Quì com'è in altrò, l'urganisazioni sindicali straziani pà accoglia in un muvimentu maiò di cuntistazioni l'associ di ghjovani, ch'elli sighini i liceani o i studienti. Hè dunqua una chjama propiu à destinazioni di i ghjovani ch'elli ani lampatu arimani a CGT, FO, a FSU è u STC. Da un'antra banda, i quattru urganisazioni sindicali ani scrittu una lettara aparta à tutti i parlementarii di Corsica. Sperani ch'elli t'avarani abbastanza in furia ritorni nant'à ssu prublema assai difficiuli.
Steti à senta à Etienne Santucci pà l'intersindicali.
