Majorité territoriale : divorce consommé ?
(A redazzioni d'Alta Frequenza) - C'era altri affari assai impurtanti, aldilà di u Padduc, ssu ghjovi à l'assemblea di Corsica, parchì ci sò stati altri cosi. A maghjurità tarrituriali, hà lacatu spuntà torna una volta i so feriti prufondi à l'uccasioni di i quistioni urali. U gruppu Communistes et Citoyens du Front de Gauche hà postu una dumanda più cà chjara à l'Esecutivu annant'à a famosa quistioni di u referendum chì ùn c'hè micca statu. Postu ch'ellu ùn c'era micca Paul Giacobbi, hè Paul Marie Bartoli chì hè statu in carica di dà una risposta quì dinò franca è chjara : l'assemblea di Corsica ùn hà micca à dumandà di vultà annant'à u famosu articulu 13 di a legi NOTRe chì privedi, ramintemula, a suppressioni di i dui dipartimenti di Corsica è a criazioni di una cullittività unica. S'è l'affari si sò passati di una manera curretta in seenza publica, u gruppu Communistes et Citoyens du Front de Guache hà urganizatu guasgi dopu una cunfarenza di stampa pà pudè spiegà a so pusizioni. Cunsiquenza diretta è gravi, dimustrazioni di una rumpitura guasgi cunsumata cù a maghjurità tarrituriali, u gruppu ùn andarà micca in Parighji ssu luni pà participà à a famosa riunioni trà i raprisintanti di a Corsica è i ministri di l'Internu è di a Dicintralisazioni.
Steti à senta à Dominique Bucchini annant'à ssa dicisioni impurtanti.
Sur le même sujet
