Loi El Khomri : l'action de Camille de Rocca Serra
(A redazzioni d'Alta Frequenza) - Camille de Rocca Serra hà postu, in u quadru di l'asamini di u prughjettu di legi travaghju, ditta El Khomri, un prughjettu di legi nant'à prima l'annualisazioni di u tempu di travaghju è da un'antra banda nant'à a risuluzioni di u disordini di a pruprietà. Ssu prughjettu di legi, chì ùn hè ancu scrittu in u prugramma, hè statu duppiatu da un amendamentu à u prughjettu di legi travaghju. Vultaremi di manera più larga nant'à u sicondu puntu di ssu prughjettu di legi, parchì t'hà un'impurtanza propiu particulari di pettu à tuttu ciò chì tocca à a pruprietà, à a successioni è à l'indivisioni. U prima puntu, a legi travaghju dunqua, hè impurtantissimu dinò parchì batti à prò di a missa in ballu di ciò chì si chjama u "CDI di staghjoni", un cuntrattu cù una durata micca ditarminata arrimbatu à tempi di travaghju chì cambiani. D'appressu à Camille de Rocca Serra, ssu dispusitivu parmittaria di vincia nant'à trè lati; u travaghjadoru, u patronu è ancu u Statu sariani suddisfati.
Eccu l'intervista di u diputatu di a siconda circuscrizzioni di Corsica Suttana.
Sur le même sujet
