Les transports en commun de la CAB sur une dynamique positive à mi-chemin de la DSP transitoire
À l’attaccu di l’annu 2022, a cumunità d’agglumirazioni di Bastia si hè datu trè anni pà imaginà a so pulitica di trasporti à longu andà
Pà u 2022, hè passatu più d’un milionu di passaghjeri, à nantu à i ligni di ViaBastia.
I ligni i più fraquintati sò stati a traversa da Toga à Erbaghjolu, a nova ligna chì và da a gara à u spidali, passendu pà u quartieri novu di u Machjò, a ligna Bastia-Furiani-Biguglia, a ligna chì và in Capicorsu è a ligna gara-spidali-Montesoru.
S’iddu si rimarca u beddu successu di a ligna di u Machjò, hè da nutà dinò chì u numaru di i carti – ch’iddi sichini d’arrugamentu o d’usu uccasiunali – hè crisciutu monda, passendu da 2 544 à 8 078. 5 128 d’issi carti sò par viaghjà di rigalu. Hè quant’è ch’iddi sichini gratisi dui traghjetta par trè. Eppuri, una mità sola di l’aienti chì poni pratenda à u trasportu gratisi hà fattu u nicissariu par avè a carta.
Louis Pozzo di Borgo, u prisidenti di a CAB, ci dà calchì pricisioni.
