Les employés du CORSSAD demandent le départ de ses dirigeants
(A redazzioni d'Alta Frequenza) - Ssu ghjovi in Bastia, impiegati di u CORSSAD ani manifistatu à a chjama di a CGT davanti a prifittura pà dumandà a partenza di a direzzioni attuali di a struttura. In fatti, Virna Giammari, chì s'hè mossa in cassazioni dopu a so cundanna u 16 di marzu à 18 mesi di prighjoni attimpati, interdizzioni difinitiva di travaghjà in u duminiu di l'aiutu in casa o un mistieru in leia cù i curi infirmieri eppo deci anni d'interdizzioni d'avè un'attività cummirciali pà arrubecciu di soldi publichi, hà ripresu i so funzioni di direttrici d'entità nentru a struttura u 21 di marzu. Una situazioni impussibuli ad accittà pà a CGT chì dumanda a dissuluzioni di u cunsighju d'amministrazioni, a partenza di i dirighjenti impignati inde l'affari è di quilli chì i sustenini eppo a numinazioni di un direttori chì ùn hà nulla à chì veda cù u cartulari.
Steti à senta à Monique Mallet, dilegata sindicali CGT di i parsunali di u CORSSAD.
