Législatives : Paul André Colombani renverse le Rassemblement National
23 969 voti par Paul-André Colombani, 16 509 pà François Filoni : u diputatu naziunalistu ùn si hè cuntintatu di ripiddà u so ritardu di u primu ghjiru : hà ciambuttatu bè u risultatu di l’alizzioni, contru à u candidatu di u RN.
Paul-André Colombani si teni dunqua a so diputazioni, cù 59,21 % di i voti.
« Hè una vittoria chì mi lia », hà dittu u diputatu, « postu ch’idda riprisenta l’unioni di i corsi, chì ani vulsutu fà senta a voci di certi valori in parigi, è supr’à tuttu uppona si à quiddi purtati da u RN.
Ci hà da vulè avali à ripiddà u travaddu », hà spiicatu u diputatu Colombani, chì si hè dittu beddu intristitu da a disfatta di Jean-Félix Acquaviva.
Supponi, l’elettu di u PNC, ch’iddu si duvaria rimetta in anda u gruppu LIOT, à veda ni i risultata uttinuti.
Par Paul-André Colombani, a vittoria di i forzi di manca pudaria essa una bona nova par ciò chì tocca à i cartulari corsi.
Steti lu à senta.
François Filoni, fatta fini, ùn hà buscu chè 40,79 % di i voti.
A cuddata di u RN si hè ferma à u primu ghjiru in issa siconda circuscrizzioni llu Pumonti, è quissa si hè vista ancu cù i risultata di u sestu cantonu aiaccinu, cunsidaratu da locu d’arradichera di u partitu di strema dritta.
U candidatu vintu hà dittu chì i risultata di issa duminica ùn erani chè un principiu.
Un principiu chì marca quantunca una disfatta à liveddu naziunali.
Steti à senta à François Filoni.
Sur le même sujet
