Le STC des Chemins de Fer de la Corse se projette sur l'avenir
(A redazzioni d'Alta Frequenza) - Chì avvena pà i Camini di Farru di a Corsica com’è intrapresa è serviziu publicu ? Eccu a dumanda ch’ellu si poni u STC è chì u sindicatu poni à tempu à a so direzzioni è à a CTC. U prima puntu hè quillu di l’azziunariatu di l’intrapresa. U sindicatu hè appena intimuritu di pettu à un interstiziu pussibuli lacatu à attori privati, cù a sparizioni u 1a di ghjinnaghju di u 2018 di i cunsighji dipartimintali, azziunari di i CFC. U sicondu puntu amintatu da u STC hè quillu di i treni stessi è di a gistioni di i ligni. Pà u STC, nant’à i ligni periurbani, malgradu un prima investimentu chì sarà impurtanti, l’avvena passa pà l’elettricu, cù treni novi adattati à a fraquintazioni alta di i ligni Bastia-Casamozza eppo I Fulelli da quì à pocu, è trà Aiacciu è Gravona.
Steti à senta à Dumè Silvestri, portavoci di u STC di i Camini di Farru di a Corsica.
