Le rendez-vous entre les marins CGT et un conseiller de François Hollande reporté
(A redazzioni d'Alta Frequenza) - L’appuntamentu privistu oghji (marti) in Parighji trà una dilegazioni di marinari CGT di i cumpagnii maritimi SNCM è CMN, è un cunsighjeru di u novu Presidenti di a Republica, hè statu rimandatu, par raghjoni d’urganisazioni liati à a ghjurnata d’investitura prisidinziali, d’appressu à i raprisintanti di i marinari. Dopu à una greva d’ottu ghjorni, principiu di maghju, chì avia bluccatu u trafficu trà Corsica è cuntinenti, una dilegazioni duvia essa ricivuta frà altru da un spicialistu di i quistioni di trasportu drentu à a squadra di campagna di François Hollande, da dumandà ch’elli sighini appiecati i legi suciali francesi nant’à i battelli di « bandera » taliana. Nisuna data nova hè stata cumunicata par avà.
Sur le même sujet
