Le PADDUC : un acte politique majeur pour Femu a Corsica
(A redazzioni d'Alta Frequenza) - U PADDUC : un attu puliticu maiò ! Eccu l'annunziu stamani (marcuri) di u gruppu Femu a Corsica duranti una cunfarenza di stampa. U muvimentu chì hà ramintatu u so impegnu forti ind'u prucedimentu longu d'elaburazioni di u PADDUC hà vulsutu metta in evidenza tutta a primura di ssu ducumentu. Hà ditagliatu tutti i punti di a so cuntribuzioni à a custruzzioni di u ducumentu è a presa in contu di i so amendamenti; à mezu à i 51 chì sò stati posti da u gruppu naziunalistu, 34 sò stati aduttati. Populu corsu, prutezzioni di i ZNIEFF, salvezza di spazii rimarchevuli è di i siti scritti, mudificazioni di a rifarenza à a Carbonite, rinforzu di a guvernenza, elaburazioni di carti in regula, rilancia di a filiera legnu, elaburazioni di un schema turisticu : i punti annant'à chì Femu a Corsica hà incalcatu è ch'ellu hè riisciutu à fà integrà ind'u ducumentu finali sò numarosi è impurtanti, ciò chì faci dì à Fabienne Giovannini chì ssu PADDUC hè una vera scelta di sucità.
Steti à senta a cunsighjera tarrituriali Femu a Corsica.
