La Haute-Corse placée en vigilance sécheresse
Dopu à una statina senza pinseri micca, hè ghjunta a sicchaghjina in Cismonti.
Marti, mentri a riunioni llu cumitatu di a risorza in acqua, u dipartimentu hè statu missu in vighjulanza pà issu particulari.
À senta ni u prifettu llu Cismonti, « a staghjoni di ricarica, da sittembri llu 2024 à marzu llu 2025 hè stata accizziunali à pettu à i cinqui ultimi anni, è hà pirmissu di riempia i cheni d’acqua, i fiuma, i matrali, è d’umidificà i tarri.
Hà pirmissu di sfrancà si la da i ristrizzioni sinu ad avali.
Ma quantunca, dipoi issa statina, i piuviti sò stati pochi, è i indicatori, pianu pianu, sò pighjurati in maior’parti.
L’acquati di u 14 è u 15 d’uttrovi ùn ani pirmissu chè di rimpattà in parti u disavanzu piuvimetricu ch’era à più di 80 %, è chì pesa aghjà à nantu à u periudu di ricarica di u 2026.
Eppuri, s’aspettani l’acquati in principiu di sittimana ch’entri.
Ma i timpiraturi s’ani da mantena à i valori di staghjoni pà i dui sittimani à vena, è un scinariu più caldu chè a nurmali hè pussibuli pà i timpiraturi d’uttrovi, nuvembri è dicembri ».
