La direction régionale de la Poste répond au STC
(A redazzioni d'Alta Frequenza) - In un cumunicatu, la Poste ricusa "l"intarpritazioni in discriminazioni chì a tocca in a so pulitica quand'ellu si tratta di culmà i posti". Nant'à u casu cuncretu ch'ellu dinunzia u STC, "ùn si tratta micca pà La Poste in leia cù u principiu di rispettu di l'anonimatu è di a vita privata ch'elli t'ani u dirittu di dumandà i parsoni, di renda publichi l'elementi individuali di un cartulari, ma ùn s'hè mai trattatu di sfrancassi di un impiegu lucali", dici La Poste. "A direzzioni di La Poste ùn hà micca vulsutu scartà un cullaburatori lucali à u cuntrariu, hè bè ellu chì, in un prima tempu, hà uttenutu u postu à culmà, i so aspirazioni essendu stati presi in contu. Ogni cartulari hè trattatu casu à casu in funzioni di i situazioni parsunali chì La Poste arrigularà à u meghju, ma ùn c'hè nulla chì pudissi ghjustificà ss'accusi", cuntinueghja quissa quì. "I candidaturi lucali ùn sò stati mancu appena scartati, parechji posti in leia cù i cumpitenzi, i brami di i cullaburatori di l'isula li sò stati pruposti. La Poste inde st'affari quì, mittarà tuttu in opara pà fà vultà un ambienti sirenu, in cunfurmità cù i so intenzioni di guarantiscia à tutti i so cullaburatori l'accumpagnamentu u più bonu, è à i valori chì sò i soi", compii La Poste.
Sur le même sujet
