La Corse de nouveau en vigilance orange neige-verglas à partir de 18h00
(A redazzioni d'Alta Frequenza) - Météo France annunzia un episodiu novu di nevi in Corsica, cù i dui dipartimenti in vigilenza arancia nevi è cotru à partasi da 6 ori di sera ssu luni. S'è ci n'hè statu pocu in principiu di matinata in u nordu di l'isula, stasera i nivati sarani di ritornu. Si mantinarani dopu tutta a nuttata trà luni è marti è fin'è marti à sera. Cuncernani una parti maiò di u nordu è di a parti urientali di l'isula, eppo ancu u liturali. I quantità aspittati sò nant'à u liturali trà 1 è 5 cm; versu 200/300 m trà 5 è 10 cm; sopra 600 m trà 30 è 50 cm è pà certi lochi 80 cm. In u nordu è nant'à a parti urientali di l'isula, ssi nivati sarani accumpagnati da u timpurali nant'à u liturali è u principiu di l'internu. U ventu di nordu à nordu livanti sustinutu si rinforza torna mentri a ghjurnata di marti inghjinnatu a furmazioni di cumuli di nevi. Hè dunqua propiu racumandatu d'infurmassi nant'à i cundizioni di circulazioni prima di pighjà a vostra vittura, chjamendu u PC Strada di a CTC à u 04 95 46 17 12.
Sur le même sujet
