La Chambre Régionale des Comptes dénonce un manque de pilotage dans la politique du logement social à Ajaccio
A camara righjunali lli conti hà publicatu u so raportu d’ussirvazioni, fattu à parta si da dumandi publichi.
A camara hà ritinutu a timatica di u parcursu d’accessu à l’alloghju suciali, virificatu à liveddu lla cumunità d’agglumirazioni llu paesu aiaccinu – a CAPA - , via u cuntrollu di u so uffiziu publicu di l’abitatu. Issu raportu hè u primu di i dui chì trattani di l’Uffiziu di l’abitatu di a CAPA.
A camara ci faci quattru ricumandazioni (d’usi boni) è quattru chjami à u drittu (pà a rigularità). Custatu hè fattu chì, « malgradu i tinsioni custatati in u so tarritoriu d’intarventu, l’uffiziu ùn hè statu in capacità di cuntribuì à a crescita di l’ufferta d’alloghja suciali trà u 2019 è u 2024.
Issa mancanza, guasgi, d’alloghja novi, è i poca cambiamenta par quiddi ch’asistini, ani purtatu à una bedda calata di l’alloghja attribuiti, passendu da 210 in u 2019 à 44 in u 2024. Arrimbendu si à i cartulari analizati, a camara ùn hà vistu irrigularità in l’attribuzioni, ma incuraghjisci quantunca u stabilimentu à dà si reguli interni, è à metta in anda i dispusizioni rigulamintarii chì aiutani à a chjarura è à a tracciabilità di i dicisioni.
Issa mancanza di dirizzioni viaghja cù a mancanza sistimatica à l’esigenzi aspittati pà a cundutta è a valutazioni, à intinzioni di l’urganisazioni interna è di l’intarlucutori sterni », spieca a camara. U sicondu raportu, chì hà da essa publicatu in u 2026, hà da trattà di a guvirnanza di l’uffiziu è di a so situazioni finanziaria.
Sur le même sujet
