La Chambre des Territoires se relance avec une place beaucoup plus importante pour les intercommunalités
Luni in Bastia, a Camara lli Tarritoria hà attaccatu un ciculu novu.
A stituzioni hè cumposta di 44 parsoni, ma i donni ùn sò chè quattru, chì ublicu di parità ùn ci n’hè chivi.
Hè cambiata bè, issa camara di i tarritoria : a maior’parti di i cunsiglieri esecutivi è eletti di l’assemblea hà lacatu a piazza à una riprisintazioni più forti di l’intercumunalità chì t’ani dui eletti, a CAB è a CAPA avendu ni trè.
Ci sò prisenti oramai, à issa camara, anziani eletti di l’assemblea com’è Jean-Charles Orsucci o François-Xavier Ceccoli, ma ancu parichji eletti di tarrenu, chì t’ani u so parè à fà valè.
Ma bastarani issi cosi à ridà fiatu à a Camara lli Tarritoria ?
Steti à senta a risposta di Gilles Simeoni.
A certi d’iss’eletti oramai luntanu da l’assemblea, li si hè posta a quistioni di l’autunumia.
François-Xavier Ceccoli, pocu cunvintu d’altrondi da l’utilità di a Camara lli Tarritoria, dici chì i guaranzii dati à l’uppusizioni in issu prucessu ùn sò stati rispittati a sittimana passata à l’assemblea di Corsica.
Steti à senta u merri di San’Ghjulianu.
Jean-Charles Orsucci, unu di i soli in Corsica à sustena di manera chjara à macron, hà dittu chì s’iddu ci fussi statu iddu à l’assemblea, ùn avaria vutatu nè a pruposta lla maiurità, nè quidda di l’uppusizioni, chì a so visioni di l’autunumia ùn l’hà trova indocu.
Steti à senta u merri di Bonifaziu.