La CFDT dénonce un faux concours sans diplômes organisé à l’hôpital de Castelluccio
(A redazzioni d'Alta Frequenza) - "Un falsu cuncorsu senza diplomi urganizatu à l'uspidali di Castellucciu" ! Eccu ciò ch'ellu dinunzia, cù ssi parolli esatti, u sindicatu CFDT Santé Sociaux chì urganizava ssu vennari da mani una cunfarenza di stampa in Aiacciu. Sicondu a CFDT, l'anzianu direttori di u stabulimentu hà lanciatu di marzu di u 2012 un cuncorsu annant'à tituli pà impiegà trè Tennichi Superiori d'Uspidali uzzioni securità, ciò chì hè statu u casu à a fin di u mesi di maghju di u listessu annu. Ma, a CFDT dici chì i parsunali impiegati ùn ani micca i diplomi nicissarii in leia cù ssi posti. U sindicatu, dopu avè fattu sapè tuttu què à l'autorità cumpetenti chì ani malgradu tuttu numinatu di ghjunghju di u 2012 ssi trè parsoni, hà dicisu d'andà in tribunali amministrativu pà dumandà l'annulazioni di a deliberazioni di a ghjuria; TA di Bastia chì hà datu raghjoni à a CFDT u 27 di maghju scorsu.
Steti à senta à Michèle Mattei, secretaria di u sindicatu CFDT Santé / Sociaux.
Sur le même sujet
