Journée du Bien Vieillir en Corse : enjeux et mutations d'un territoire
A sittimana passata, hè stata urganizata in Aiacciu « La journée du Bien Vieillir en Corse », « a ghjurnata di a bona vichjara » issendu u nomu corsu datu à a manifistazioni.
Sò stati prisintati chivi trè iniziativi impurtanti missi in anda in Corsica, da risponda à i prublimatichi di u invichjà : u prugrama Saluta è Vichjara, i travadda di a catedra Mutazioni è Nuvazioni Tarrituriali, u ingagiamentu cutidianu di u Gerontupolu di a Corsica.
Trà i tanti dibattiti, quiddu chì t’avia par titulu « diversità di i formi di l’invichjà è ughjittivi d’azzioni » hè statu beddu intarissanti, masimu ch’iddu hà pirmissu di scopra l’arnesi Gerontupolu.
Steti à senta à Marie-Pierre Pancrazi, Geriatra è prisidenti di u Gerontupolu di a Corsica.
Issa ghjurnata hè stata purtata, in bedda parti, da a Cascia di i Dipositi è a Banca lli Tarritoria.
Accumpagnà « l’invichjà bè » in i tarritoria era l’altra scumissa impurtanti d’issa ghjurnata.
Steti à senta à Sophie Hardouin, a dirittrici righjunali di a Banca di i Tarritoria di Corsica.
