Installation de l'Assemblée de Corse : le sentiment de Paul Giacobbi
(A redazzioni d'Alta Frequenza) - Mumentu d'emuzioni intensa ssu ghjovi in u Grand Hôtel d'Aiacciu, à l'uccasioni di a stallazioni di a nova Assemblea di Corsica. Banderi, striscioni, publicu caldu, lacrimi, emuzioni, tuttu era adunitu pà fà di ssa ghjurnata, ripitaremi torna a parolla, un mumentu storicu. Pà a prima volta in fatti, intria à l'Assemblea di Corsica una maghjurità cumposta da una cualizioni naziunalista. Ssa vittoria, ghjunta cù putenza dumenica scorsa, hà parmissu à Gilles Simeoni d'occupà u postu u più altu di a stituzioni, quillu di presidenti di l'Esecutivu. Pà ùn vastà micca a festa, l'altra presidenza hè righjunta à Ghjuvan Guidu Talamoni, chì sarà à u capu oramai di i travaghji di l'istanza pulitica a più alta di l'isula. Vultaremi cù ditagli annant'à u cuntinutu di i discorsi di l'uni è di l'altri, parchì sò stati ricchi è larghi tramindui, cù un sensu puliticu maiò dinò. I mumenti induva l'emuzioni hè stata a più intensa sò stati quilli ben intesu induv'elli sò stati pruclamati i nomi di i dui presidenti. L'uppusizioni, dinò ella, hà ascultatu cun attinzioni è certi volti emuzioni i discorsi di i dui presidenti. Hè vera chì i mani si sò tesi parechji volti duranti i presi di parolla di l'uni è di l'altri. S'hè intruttu in un tempu novu à l'Assemblea di Corsica ?
Steti à senta à Paul Giacobbi.
Sur le même sujet
