Incendie à Vivariu : 3 hectares détruits
I spinghjifoca di u Cismonti sò stati mubilizati ghjovi pà un focu di machja in a Canaghja, à nantu à a cumuna di Vivariu, chì pari essa cunsiquenza di travadda stradali à nantu à a SD23.
I fiari sò cursi par trè ettari di machja è pineti, à nantu à un tarrenu à pindaliccia.
Supra à locu, sò stati mandati i meza in quantità : 36 spinghjifoca, trà i quali u gruppu commando di u SIS2B, 18 spinghjifoca lla sicurità civili è quattru FORSAP di u Cismonti.
U focu hè statu ammaistratu in prima sirintina.
