Important incendie à Mezzavia
Photo sdis 2A
Marcuri dopu meziornu, hè scappatu un focu di quiddi in i circonda di Mezavia.
Sò mubilizati meza è spinghjifoca in quantità.
U focu hè scappatu in l’attellu micanicu chì hè daretu à u stadiu di Mezavia, è hà toccu à machja à torru.
Dici a prifittura ch’idda piccia una dicina di vitturi davanti à l’attellu Tuning Auto, pricisendu chì rispirà u fumu llu focu pò ancu essa piriculosu, masimu pà i parsoni sinsibuli.
Meddu saria à ùn passà quinci, è i parsoni chì stani à torru duvariani tena chjusi porti è balcona.
Par casu chì vo’ t’achiti calchì sintumu, signaleti vi à i numari d’urgenza.
Circheti à ùn accupà in darru i ligni teleffonichi.
Ùn si cunnoscini par avali i causi d’issu dannu, chì pruduci un fumu neru pagnu.
S’aspettani altri infurmazioni.
Sur le même sujet
