Football (National) - Le GFCO Ajaccio veut relever la tête face à Vannes
(Michaël Andreani - Alta Frequenza) - Ondicesima ghjurnata di u campiunatu Naziunai, u GFCO Aiacciu, diciottesimu, ricevi stasera (sabbatu) a squadra di Vannes, quatriesima in Mezavia. Dopu à una grossa disfatta in Le Poiré-sur-Vie, a settimana scorsa, è di una cacciata di quattru punti à a classifica, frà i quali dui di modu attimpatu, da a parti di a Federazioni Francesi di Ballò, dopu à una baruffa pà u spiazzamentu in Beauvais, i ghjucadori di Dominique Veilex duvarani dimustrà grandi valori, ch'ella sia à u nivellu spurtivu o umanu, da pudè buscà si un risultatu pusitivu, contr'à unu di i favuriti pà a cullata in Lega 2. Da u cantu di u gruppu, parechji cambiamenti duvariani essa rializati da l'allenatori aiaccinu, quattru ghjucadori essendu assenti, frà i quali trè suspesi, dopu à a so sclusioni duranti l'ultimu scontru. Una partita da principià à 6 ori di sera, à u stadiu Ange Csanova.
Sur le même sujet
