Football (National) - Le FC Borgo puni à domicile par Concarneau (2-4)
Pà a quinta ghjurnata llu campiunatu di Naziunali, u FC Borgu hà persu 4 à 2 in Concarneau.
Dopu à dui minuti di ghjocu, Gboho marcaia pà i lucali. Senza purtà piriculu in attaccu è issendu debuli in difesa, u FC Borgu si hè presu un sicondu marcu dopu à 33 minuti, via Rabillard.
Passati 42 minuti, dopu à un calciu d’angulu, Doumbia marcaia pà i burghisani ma, à pena dui minuti dopu, Boutrah mittia u terzu marcu di i brittoni.
Dopu à u posu, i cambiamenti purtati da Alexandre Torres ùn sò pisati tantu.
À a 70esima minuta, Traorè mittia u quartu marcu di Concarneau.
In fin’di scontru, via un calciu di pinalità, Kerkour marcaia par Borgu, ma l’affari era aghjà insaccatu.
Pà Alexandre Torres, u so addistradori, u FCB hà fattu una partita cù u liveddu d’una squadra di fundu di classifica di Naziunali 2.
Steti lu à senta.
