Football (National 2) - Le SC Bastia s'impose sur le fil à Mulhouse (1-2)
Photo : SC Bastia
(A ridazzioni d'Alta Frequenza) - Sabbatu, cù a so vittoria 2 à 1 in Mulhouse, u SC Bastia hà fattu sapè à quiddi ch’ùn la si pinsaiani, qualissi erani i so pratinsioni pà issu campiunatu di Naziunali 2.
Eppuri era cuminciata mali a partita, chì dopu à cinqui minuti, Brahmia d’una capata, piddaia à Martin à u sumbrettu.
Ma i bastiacci si sò ripresi subbitu, ammaistrendu issa partita à liveddu llu mezu tarrenu. Dopu à vintinovi minuti, Mesbah mittia i dui squadri à paru cù un calciu di riparu.
Ancu puri supranendu i ghjucadori di Mulhouse, à i bastiacci l’hè tuccata à impignà si, da parà l’attacchi lucali è circà à vincia u scontru.
Fatta fini chì dopu à uttantasei minuti, è dopu à un travaddu cumunu di Salles-Lamonges è Quemper, Etshimi hà datu a vittoria à a so squadra, chì pidda oramai u cumandu d’issu campiunatu di Naziunali 2