Football (Ligue 2) - Un SC Bastia à deux vitesses s'incline à Saint-Etienne (3-2)
Pà a 19esima ghjurnata llu campiunatu di siconda divisioni, u SC Bastia, à a malavia in a prima parti llu scontru ma bunissimu in l’ultima meza ora, hà persu 3 à 2 in Saint-Etienne.
A difesa bastiaccia ùn hè stata tantu à ceda, piddendu si dui marchi di Chambost in i primi ottu minuti. Ed hè stata bedda dilicata pà l’omini di Régis Brouard, a prima parti llu scontru.
Dopu à u posu, n’erani sempri à zappà i bastiacci, piddendu si ancu un terzu marcu, via Cafaro, passati 63 minuti di ghjocu. Ma si sò tandu rivultati.
À a 71esima minuta, Alfarela marcaia un calciu di riparu, uttinutu parvia d’un fallu contru à Djoco. Cinqui minuti dopu, u centru di Tavarès truvaia a capata di Keita, chì mittia u sicondu marcu bastiacciu.
Ma ùn sò pussuti vultà à marcu pattu i turchini. Cù issa disfatta, hè 15esimu u Sporting, è t’hà dui punti d’avanzu à nantu à u primu à falà. Ci hà da vulè ch’iddi trovini i mezi, i dirigenti bastiacci, par circà à dà calchì fiatu à un effettivu beddu debuli.
Sur le même sujet
