Football (Ligue 2) - Troisième défaite consécutive pour l'ACA ce samedi soir face au Paris FC (2-0)
Photo AC Aiaccoiu
Ci hè à veru u pinseri à fà si pà l’AC Aiacciu, à veda ni a qualità di u scontru di sabbatu, ghjucatu in Caen contru à u parigi FC…
Ci hè u pinseri chì, issa volta dinò, l’aiaccini sò stati supranati in tuttu da i so avvirsarii, è l’affari dura chì sò parichji sittimani.
Pà issu scontru, a squadra tecnica avia sceltu di titularizà a François Joseph Sollacaro da guardianu, Mathieu Michel piddendu pà issa volta u bancu.
In a prima parti di a macciu, i dui squadri ani fattu un ghjocu paru, l’aiaccini issendu si impignati à difenda bè.
Ma dopu à u posu – com’è contru à Angers, com’è contru à Annecy – l’ACA hà tuccatu u fundu !
Gori dopu à 53 minuti di ghjocu, è Dicko dopu à 64, daghjiani in deci minuti u so versu à a partita.
Ùn si hè vista tantu a rivolta aiaccina : dopu à 86 minuti di ghjocu, Ben Hamed Touré mittia a biscica à cantu à a cabbia parigina, è in u tempu in più, hè tocca à Hamza Sahki à fà si valè.
Ma era un pocu tardi.
Cù issa terza disfatta di fila, l’AC Aiacciu ùn hà più chè cinqui punti d’avanzu à nantu à u primu à falà.
