Football (Ligue 2) - Solide, l'ACA accroche un très bon point à Amiens (0-0)
Marti à sera, l’AC Aiacciu ghjucaia ind’è u terzu lla classifica, Amiens.
À tempu attaccatu u scontru, pariani tena si una certa sirinità, i ghjucadori d’Olivier Pantaloni : erani impignati bè in u so ghjocu è pocu tribulati da a squadra picarda.
Colpu à colpu, piddaiani ancu a suprana i Bianchi è Russi, masimu cù u beddu travaddu di Jabol-Folcarelli.
Ghjuntu u posu, u marcu era di zeru à zeru.
In a siconda parti, era sempri di stessa tinta a partita ma, tocca l’ora di ghjocu, un calciu di riparu pocu ghjustificatu era cuncessu à Amiens. Ma Mafouta mittia a biscica à nantu à u palu lla cabbia aiaccina.
In i vinti ultimi minuti, Olivier Pantaloni facia entra i ghjovani di u centru di fumazioni : Strata, Touré è Chegra. L’AC Aiacciu ùn era tantu impinsiritu da i lucali, chì Maxime Chanot facia un travaddonu in difesa cintrali.
In u tempu in più, Vincent Marchetti lintaia unu stucciu ch’avia da entra in u quadru, ma u guardianu d’Amiens u sviaia in calciu d’angulu. Fatta fini, a partita si hè compia cù issu marcu pattu è cù un puntu presu da l’AC Aiacciu, chì pari ripiddà un pocu fiatu.
Sur le même sujet
