Football (Ligue 2) - Méconnaissable, l'ACA logiquement battu à Annecy (2-0)
Photo : AC Aiacciu
Sabbatu à sera, pà u contu llu campiunatu di siconda divisioni, l’AC Aiacciu si n’hè mossu à ghjucà in Annecy.
Contru à issa squadra chì lutta par mantena si, l’omini d’Olivier Pantaloni ani mancatu in tuttu a prima parti llu scontru.
Presi di vitezza da issa squadra ghjovana è viva, l’aiaccini ùn ani avutu chè un calciu di pinalità di Mangani par purtà u piriculu, ma ùn era in u quadru. Ancu peghju, ghjustu innanzi à u posu, Shamal marcaia pà Annecy da i 25 metra.
In a siconda parti llu scontru, l’aiaccini sò stati incapaci à purtà u piriculu davanti à a cabbia di i lucali. In u tempu in più, Adeline mittia u sicondu è ultimu marcu pà i lucali.
Issa disfatta, à veda ni com’idda hè ghjunta, pudaria ancu insignà chì a scunfitta contru à Concarneau ùn era un accidenti.
Par avali, l’AC Aiacciu hè sittesimu lla classifica.
Sur le même sujet
