Football (Ligue 2) - Matar Fall rejoint le GFC Ajaccio
(A redazzioni d'Alta Frequenza) - U marcatu di i trasferimenti hè apartu di manera ufficiali dipoi ssu marti, ma u GFC Aiacciu ùn hà micca aspittatu ssa data par ufficializà i nomi di i so dui primi ghjucadori novi, Amos Youga è David Ducourtioux. U situ ufficiali di u GFCA hà annunziatu oghji a ghjunta di un terzu elementu. Hè torna un difensori, pulivalenti, Matar Fall (1m83, 79 chilò). À 32 anni, quissu quì hè passatu pà Tulò è Angers, prima di ghjunghja a staghjoni scorsa in Naziunali in Fréjus, duva ellu hà ghjucatu guasgi trenta partiti. Matar Fall, chì hà participatu à 169 scontri in Liga 2 hè statu dinò selezziunatu un volta cù u so paesi, u Sénégal.
