Football (Ligue 2) - Le SC Bastia tombe à Clermont (2-1)
(A redazzioni d'Alta Frequenza) - In Lega 2, inde ciò chì era l'uppusizioni di prima trinca di u campiunatu, u Sporting Club di Bastia hà persu 2-1 in Clermont-Ferrand, u leader. Eppuru, u scontru era bè principiatu pà i ghjucadori di Frédéric Hantz, chì ammaistravani u ghjocu. Cù a spulsioni di Landre à a dicesima minuta, i bastiacci erani in superiurità numerica, è ani di fattu cuncretizatu a so duminazioni à a 24a grazia à una reta di Maoulida. Ma à pocu à pocu, u troppu di cunfidenza hà invaditu u gruppu bastiacciu, fin'è à incascià una reta nanzi à a pausa, Dembelé apprufittendu di un errori difensivu. Ind'u sicondu periudu, Clermont duminava dighjà quandu chì Khazri si feci spulsà à a 51a dopu à una grossa falta nant'à Alessandrini. À partasi da issu mumentu quì, u Sporting hè sprufundatu cumpletamenti, è hà incasciatu di logica una siconda reta à a 74a par via di Morel. Dopu à issa disfatta, Bastia rincula à u terzu postu di u podium è ùn hà più cà trè punti d'avanza nant'à u quatriesimu.
On écoute l'attaquant bastiais, Wahbi Khazri, au micro de la chaîne C FOOT
