Football (Ligue 2) - Le CA Bastia reçoit Niort
(A redazzioni d'Alta Frequenza) - Stasera (vennari) à 8 ori, pà a 19a ghjurnata di Lega 2, u CA Bastia ricevi i Chamois Niortais. È ancu s'è u CAB, ultimu, ùn stà micca bè à a classifica, i cabisti t'ani sempri a voglia di creda à u miraculu di u mantenimentu in Lega 2, è sò ditarminati più cà mai pà batta a squadra cuntinintali, chì saria u primu avversariu à perda duranti a staghjoni contr'à u CAB in Armand Cesari. Ghjustu appuntu, à partasi di ssa partita è fin'è a fin di a staghjoni, a tribuna Nordu sarà a sola à essa aparta à u publicu, l'abbunati in tribuna Meziornu essendu invitati à stallà in tribuna Nordu, a partita superiori di quissa quì sarà oramai aparta à u publicu. Infini, u CA Bastia hà arrighjistratu l'imprestitu di Jonathan Rivas, attaccanti di 22 anni chì ùn ghjucava micca troppu cù u club di Châteauroux.
Sur le même sujet
