Football (Ligue 2) - L'ACA s'impose logiquement devant Caen (2-1) et valide son maintien
Photo : Jean-Noël Casanova
Sabbatu, l’AC Aiacciu hà assicuratu a so piazza in siconda divisioni, vincindu dui à unu contru à Caen.
L’omini d’Olivier Pantaloni ani ammaistratu u so scontru da u principiu à a fini, contru à una squadra nurmanda chì hè sempri in cursa pà i playoff.
Avendu attaccatu bè a partita, l’aiaccini ani marcatu dopu à vinti minuti di ghjocu, Mickael Barreto rimittindu in a cabbia un ballonu sirvutu bè da Hamza Sakhi.
Ghjustu innanzi à u posu, Christopher Ibayi mittia un sicondu marcu pà i Bianchi è Russi.
Dopu à u posu, è ben’ch’iddu iscissi Mickael Barreto parvia d’una ferta, l’ACA hà sappiutu assicurà a so vittoria, u marcu d’Alexandre Mendy par Caen, via un calciu di riparu in fin’di scontru, ùn cambiendu tanti affari.
Cù issi trè punti è cù unu scartu di deci punti cù u primu à falà, à cinqui ghjurnati di a fini di a staghjoni, pari ch’idda sichi assicurata, a piazza di l’AC Aiacciu in siconda divisioni.
