Football (Ligue 2) - L’ACA fait tomber le leader avec la manière (2-0) et reste dans la course
Photo : AC Aiacciu
Issu marti in Timizzolu, l’AC Aiacciu ricivia à Laval, u capifila lla classifica di siconda divisioni. Indibulitu in parichji sittori di ghjocu, cù una difesa ghjovana è inedita, l’ACA t’avia quantunca a ambizioni di piddà si i trè punti lla vittoria.
In a prima parti di u scontru, uccasioni ùn si n’hè vistu tantu, è à u posu u marcu era sempri di zeru à zeru.
In a siconda parti, a partita era para para trà i dui squadri. Ma, dopu à un calciu d’angulu mal’niguziatu da a difesa, Touzghar marcaia pà Aiacciu. Si n’era tandu à un’ora di ghjocu.
Pocu sullicitatu par issu scontru, François-Joseph Sollacaro salvaia a so squadra dopu à un stucciu tiratu da vicinu.
In u tempu in più, Riad Nouri mittia un calciu di riparu, è l’ACA si piddaia i trè punti lla vittoria cù issu marcu di dui à zeru.
À a classifica, l’ACA s’avvicina à i cinqui primi piazzi, ùn issendu chè à sei punti di scartu cù Laval, chì hà persu sta sera a so piazza di capifila.