Football (Ligue 2) - L’AC Aiacciu enchaîne devant Caen (1-0)
L’AC Aiacciu ùn pari mancu più u stessu, è cuntinuvighja a so bedda siria, vincindu pà a terza volta di fila in casa soia, 1 à 0 contru à Caen.
Ani marcatu prestu l’aiaccini, passati i setti minuti, via Moussiti Oko.
A partita hè stata una di i più beddi lla staghjoni, è senza u talentu llu guardianu di Caen, a nota saria forsa stata più salita !
In fin’ di scontru, l’AC Aiacciu hà ancu avutu un pocu a paura, ma Benjamin Leroy hà sappiutu salvà issa vittoria.
Oramai l’ACA hè undicesimu, è t’hà 12 è 11 punti d’avanzu à nantu à i dui ultimi lla classifica. Si pudaria ancu pinsà à fighjulà à capu insù, ma u scartu cù i cinqui primi hè quantunca impurtanti.
Sur le même sujet
