Football (Ligue 2) - Cruelle défaite de l'ACA à Angers (3-1)
Photo : AC Aiacciu
Pà u contu lla 27esima ghjurnata llu campiunatu di siconda divisioni, l’AC Aiacciu hà persu trè marchi à unu in Angers.
U primu marcu, i lucali l’ani missu via un calciu di riparu di Abdelli, passati 28 minuti di ghjocu.
Deci minuti dopu, dopu à un beddu travaddu di Jabol Folcarelli è Soumano, Ibayi marcaia pà l’aiaccini.
À u posu, i dui squadri erani dunqua à unu à unu.
Ripresu u scontru, l’AC Aiacciu hà pruvatu, senza ghjunghja ci, à metta un altru marcu.
È fatta fini, hè Angers chì ripiddaia u cumandu dopu à 87 minuti, via una capata di Lepaul.
In u tempu in più, passati 94 minuti di ghjocu, Diony mittia un terzu marcu pà i lucali, assicurendu ni a vittoria.
Cù issa disfatta, l’ACA si ferma à l’uttesima piazza, cù quattru punti di ritardu à nantu à u quintu, è setti à nantu à u terzu.
