Football (Ligue 1) - L’AC Ajaccio a un très gros coup à jouer à Valenciennes
(A redazzioni d’Alta Frequenza) - In Lega 1, pà a 21a ghjurnata, l’AC Aiacciu, ultimu, si spiazza in fin di dopu meziornu (dumenica) ind’u Nordu di a Francia, pà ghjucà contr’à Valenciennes, 15u è cuncurrenti direttu pà u mantinimentu. Dopu à un’eliminazioni in Cuppa di Francia a dumenicata scorsa ind’è una squadra di CFA, Bourg-Péronnas, l’Aiaccini vularani riagiscia à tutti i patti. Firmendu nant’à una seria di trè vittorii à a fila in campiunatu, i ghjucadori di Olivier Pantaloni pudarani, in casu di successu, rializà una bunissima uparazioni, è lascià a zona di rilegazioni, vistu i sfarenti risultati d’arisera. Micca un affari faciuli, contr’à una squadra Nurdista assai parfurmenti in casa soia, ancu puru s’è quissa quì ùn hà cà dui punti d’avanza di pettu à i Corsi. Aiaccini chì duvarani cumpona senza a so pezza maestra, Johan Cavalli, pà a prima di i so trè partiti di suspensioni, dopu à u so passaghju calchì ghjornu fà davanti à a Cumissioni di Disciplina di a LFP. D’altri assenzi sò da rilevà, com’è quilli di u novu ghjucadori di l’ACA Saad, d’Ilan è di Poulard, feriti. Un scontru da principià à 5 ori, à u stadiu di u Hainaut.
Sur le même sujet
