Football (Ligue 1) - L'AC Aiacciu ramène un point frustrant mais aussi plein de promesses de Troyes (1-1)
A stizza è a spiranza à tempu : eccu ciò ch’iddu si pò dì passatu u scontru di duminica ch’iddu hà fattu l’AC Aiacciu contru à Troyes.
In a prima parti llu scontru, i dui squadri ani prupostu un ghjocu paru. I corsi avariani pussutu metta un marcu d’avanzu, ma Riad Nouri hà mancatu u so calciu di riparu, paratu da u purtieri lucali.
Dopu à u posu, a squadra corsa piddaia, è di manera chjara, a suprana, ma cù un contr’attaccu à a 76esima minuta, Porozo marcaia par Troyes.
Intrutu pà issa fini di scontru, Youcef Belaïli, l’internaziunali algirianu, avia da fà veda, in parichji volti, i so qualità. Dopu à un travaddonu di soiu, El Idrissy marcaia pà l’aiaccini, passati 88 minuti di ghjocu.
Issu marcu pattu è issu puntu vintu sò un bon’ risultatu, ma un pocu di stizza ferma quantunca, chì a piazza pà una vittoria c’era. Ma pari quantunca chì i corsi achini infini datu fiatu à a so staghjoni. Pari ancu chì Youcef Belaïli sichi un’arma in attaccu chì par avali mancaia à i Russi è Bianchi.
Cù issu risultatu, Aiacciu hè 18esimu di a classifica, à un puntu di i primi à ùn falà.
