Football (Ligue 1) - Exploit de l'AC Aiacciu à Marseille (1-2)
Tamanta prova ch’iddu hà fattu l’AC Aiacciu dopu meziornu in Marseglia ! I ghjucadori d’Olivier Pantaloni ani vintu 2 à 1 contru à unu d’issi tarcani llu campiunatu.
Eppuri ùn era cuminciatu bè l’affari, postu chì, dopu à un quartu d’ora di ghjocu è parvia d’una mani d’Avinel, Dimitri Payet mittia un calciu di riparu pà i lucali.
Ma ùn calaiani u capu l’aiaccini, è dopu à 25 minuti di ghjocu, ricuparendu un ballonu datu da Vincent Marchetti, Moussiti-Oko marcaia è rimittia i soi à marcu pattu.
Dopu à u posu, l’aiaccini ripiddaiani u tarrenu cù a stessa energia.
È fà è fà, è soca parvia di a prissioni di i Russi è Bianchi, Belardi marcaia contru à i soi dopu à 47 minuti di ghjocu.
U marcu, oramai, era di 2 à 1 pà l’ACA.
L’aiaccini, cuntinuvendu à ghjucà altu, impidiani i lucala di sviluppà u so ghjocu, è tiniani sinu à l’ultima i trè punti lla vittoria.
L’AC Aiacciu hè a prima squadra di a prima divisioni ad avè vintu contru à l’OM issa staghjoni.
Cù issa vittoria è par avali, l’AC Aiacciu ricodda à a 18esima piazza, cù un puntu solu di ritardu à nantu à u 13esimu. Ma bisogn’à aspittà l’altri risultata d’issa ghjurnata par avè un’idea più ghjusta di a so piazza à a classifica.
Sur le même sujet
